Расея і Кітай маюць намер пашырыць супрацу, каб рашуча процістаяць намаганням ЗША стрымаць абедзве краіны. У заяве, апублікаванай пасля перамоваў паміж прэзідэнтам Расеі Уладзімірам Пуціным і кіраўніком КНР Сі Цзіньпінам, гаворыцца, што Масква і Пекін будуць працягваць умацоўваць сваю ваенную супрацу.
Пуцін і Сі Цзіньпін перакананыя, што канфлікт ва Украіне можа быць вырашаны толькі шляхам ліквідацыі яго «першапрычынаў», цытуюць сумесную заяву Крамля ў чацвер сусветныя агенцтвы.
Раней Украіна неаднаразова заўважала, што Кітай спрыяе Расеі ў вайне, акрамя таго, нядаўна з’явіліся звесткі пра тое, што ва ўкраінскі палон трапіла мноства кітайскіх жаўнераў, якія наняліся ў расейскае войска.
