Згодна з прэс-службай Палаты прадстаўнікоў, санкцыі паводле 97 артыкулаў Крымінальнага кодэкса будуць перагледжаныя. Уводзяцца альтэрнатыўныя, больш мяккія віды пакаранняў, а таксама дадаюцца новыя захады ў дадатковым парадку.
Згодна з зменамі, ад пазбаўлення волі могуць вызваляцца:
- жанчыны і адзінокія мужчыны, якія выхоўваюць дзяцей да 14 гадоў ці дзяцей-інвалідаў;
- інваліды I групы;
- асобы, якія ўпершыню здзейснілі злачынства.
Таксама з’явяцца новыя артыкулы ў Крымінальным кодэксе:
- арт. 366-1: «Гвалт або пагроза ў дачыненні да прэзыдэнта Рэспублікі Беларусь або прэзыдэнта, які спыніў выкананне сваіх паўнамоцтваў».
Адказнасць за мяжой: пашыраецца пералік злачынстваў, за якія грамадзяне Беларусі будуць адказваць пры іх здзяйсненні за межамі краіны (распальванне варожасці, абраза прэзыдэнта, здзекаванне з дзяржаўных сымбаляў і інш.).
Змены ў Крымінальны кодэкс, Кодэкс аб адміністрацыйных правапарушэннях і Працэсуальна-выканаўчы кодэкс сёння разглядае Палата прадстаўнікоў.
