Выбары ў Малдове б’юць рэкорды па яўцы. Сёння там абіраюць прэзідэнта і галасуюць за замацаванне ў Канстытуцыі планаў па ўступленні ў ЕЗ. Паводле дадзеных апытання CBS Research, больш за 55% грамадзян Малдовы плануюць падтрымаць заходні курс. Дзейная праеўрапейская прэзідэнтка Мая Санду лідыруе ў прэзідэнцкай гонцы, хоць, па прагнозах, зможа перамагчы толькі ў другім туры.
* * *
20-га кастрычніка адбываюцца прэзідэнцкія выбары ў Малдове. Разам з тым павінен прайсці рэферэндум пра ўступленне краіны ў Еўразвяз. Пра сітуацыю знутры распавёў беларус, які жыве ў Малдове:
– З таго, што вядома на дадзены момант, у Санду не вельмі высокі рэйтынг. Хутчэй за ўсё будзе другі тур. Большасць маіх малдаўскіх родных хоча прагаласаваць за Санду. Па працы перасякаўся з людзьмі, якія не хочуць. Тут настолькі розныя меркаванні, што спрагназаваць, хто выйграе, я не магу. Мяпкую, што будзе другі тур, Санду і яшчэ хтосьці. Больш верагодна, што Санду пераможа.
Цалкам гутарку слухайце ў далучаным гукавым файле:
Агулам у бюлетэні будзе прадстаўлена 11 зарэгістраваных кандыдатаў у прэзідэнты. Па выніках апытання грамадскага меркавання яшчэ да дня галасавання лідаравалі Майя Санду (партыя Дзеянне і салідарнасць) ды Аляксандр Стояногла (Партыя сацыялістаў Рэспублікі Малдова).
Беларускае Радыё Рацыя
