У сталіцу Беларусі прыляцеў самалёт Air China з кітайскай дэлегацыяй, якую ўзначальвае Лі Сі — адзін з сямі найвышэйшых кіраўнікоў КНР, член Пастаяннага камітэта Палітбюро КПК і кіраўнік Цэнтральнай камісіі па дысцыпліне.
Па прылёце ў менскім аэрапорце адбыліся “кароткія перамовы” Лі Сі з кіраўніком адміністрацыі Лукашэнкі Дзмітрыем Крутым, паведамляе дзяржагенцтва БелТА
Самалёт прыбыў у Менск з Грэцыі праз Італію, Аўстрыю, Германію і Латвію.
Назіральнікі звязваюць паездку з праблемамі кітайскага транзіту праз Беларусь і Польшчу. У Грэцыі Лі Сі прымалі на самым высокім узроўні.
