Начальнік Дэпартамента міжнароднага вайсковага супрацоўніцтва — памочнік міністра абароны па пытаннях міжнароднага вайсковага супрацоўніцтва Валерый Равенка правёў акрэдытацыйную сустрэчу з вайсковым аташэ пры пасольстве Ірана ў Беларусі Алі Тавакалі.
Як паведамляе прэс-служба Мінабароны, на сустрэчы бакі абмеркавалі стан і перспектывы развіцця вайсковага супрацоўніцтва Беларусі і Ірана, а таксама абмяняліся думкамі па пытаннях міжнароднай і рэгіянальнай бяспекі.
Офіс вайсковага аташэ Ірана ў Менску адкрылі ўпершыню.
