Сёння раніцай каля 85 супрацоўнікаў мытнага дэпартамента Берліна-Брандэнбурга, па даручэнні Берлінскай пракуратуры, правялі арышт, тры канфіскацыі маёмасці і пяць ператрусаў у дачыненні да 46-гадовай грамадзянкі Беларусі.
Яе абвінавачваюць у парушэнні санкцый Еўразвязу супраць Расеі. Затрыманай можа пагражаць да 5 гадоў зняволення.
Паводле следства, абвінавачаная разам з двума меркаванымі саўдзельнікамі, магчыма, вывезла 192 аўтамабілі агульным коштам звыш 21 мільёна еўра. Пры дэкларацыі транспартных сродкаў на экспарт стваралася ўражанне, што яны накіроўваюцца не ў Расею, а ў Беларусь, Кыргызстан, Таджыкістан і Узбекістан. У выніку было ўстаноўлена, што 186 з гэтых аўтамабіляў былі зарэгістраваныя непасрэдна ў Расеі.
Беларуску падазраюць у шэрагу парушэнняў Закона аб знешнім гандлі.
