Цяпер у Літве шэраг грамадскіх актывістаў прасоўваюць ідэю, што беларусы не маюць права выкарыстоўваць сымбаль «Пагоня», паколькі ён з’яўляецца часткай толькі літоўскай гісторыі. Аста Скайсгірыце, дарадца прэзідэнта Літвы, ня бачыць праблемы з выкарыстаннем на «пашпартах Новай Беларусі» сымбалю «Пагоня».

Літоўскія СМІ пачалі ставіць пытанні наконт нібыта «незаконнасці выкарыстання» сымбалю «Пагоня» пасля публікацыі 14 студзеня вокладкі «пашпарту Новай Беларусі».
У Беларусі цяпер выкарыстанне сымбаля «Пагоня» і бел-чырвона-белага сьцяга фактычна забаронена.