У Палату прадстаўнікоў Кангрэсу ЗША ўнеслі новы Акт аб дэмакратыі ў Беларусі. Змены ўнеслі праз удзел рэжыму ў вайне супраць Украіны, а таксама гандаль украінскімі дзецьмі. У новай версіі Акту дадалі заклік да неадкладнага вызвалення ўсіх палітычных зняволеных.
Дакумент таксама замацоўвае намер не прызнаваць любое ўключэнне Беларусі ў так званую “Саюзную дзяржаву”, якая знаходзіцца пад кантролем Расеі.
Як адзначыў прадстаўнік АПК па замежных справах Валерый Кавалеўскі, абноўленая версія закона даказвае, “наколькі ўважліва сочаць амерыканскія заканадаўцы за сітуацыяй у Беларусі і прапануюць ураду ЗША практычныя крокі”. Паводле яго слоў, у Сенат таксама ўнесены такі законапраект. Чакаецца, што Акт аб дэмакратыі ў Беларусі Кангрэс можа прыняць да канца года.
Беларускае Радыё Рацыя
