Павел Шурмей (пазыўны “Дзядзька”) афіцыйна прызначаны часова выконваючым абавязкі камандзіра Палка Каліноўскага. Дзяніс Прохараў (“Кіт”) перадаў яму свае абавязкі.
Павел Шурмей. Фота: Полк Каліноўскага
Пра перастаноўкі ў кіраўніцтве палка стала вядома ў пачатку ліпеня, аднак афіцыйная інфармацыя была агучаная толькі 19 ліпеня, – паведамляе reform.news. Прызначэнне праводзіцца ў рамках рэформ па павышэнні эфектыўнасці падраздзялення, якую полк пачаў у красавіку гэтага года. Праца над рэформамі працягнецца, заяўляе полк.
Павел Шурмей – беларускі вясляр, які прымаў удзел у дзвюх Алімпійскіх гульнях. Ён адзін з беларускіх добраахвотнікаў Палка імя Кастуся Каліноўскага. У сакавіку 2023 года стала вядома, што ў Беларусі завочна распачалі крымінальную справу супраць яго. У чэрвені паведамлялася, што ў Расеі яго аб’явілі ў вышук.
