З заклікам перагледзець забарону на ўезд у Грузію беларускаму журналісту Андрэю Мялешку выступіла Платформа Рады Еўропы па садзейнічанні абароне журналістыкі і бяспекі журналістаў.
Адпаведны зварот адрасаваны ўладам Грузіі і тычыцца таксама армянскага журналіста Арсэна Харацьяна, які апынуўся ў падобнай сітуацыі. Асабліва адзначаецца, што Мялешка і яго дачка, з якой ён падарожнічаў, адправілі назад у Польшчу, пакінуўшы ў Грузіі жонку і яшчэ адно дзіця. Сітуацыю з Мялешкам і Харацьянам аўтары звароту класіфікавалі як пагрозу другога ўзроўню (іншым узроўнем з’яўляецца першы, пры якім работнікам СМІ пагражае фізічная небяспека).
Платформа таксама чакае, што грузінскія ўлады спыняць практыку забарон на ўезд у краіну журналістаў і работнікаў СМІ і накіруюць адказ на зварот не пазней за 18 снежня.
Беларускае Радыё Рацыя
