Пра смерць галоўнага расейскага апазіцыянера паведаміла Упраўленне па выкананні пакаранняў Ямала-Ненецкай аўтаномнай акругі. Навальнаму было 47 гадоў.
Фота AP
Блізкі да расейскіх сілавікоў тэлеграм-канал «112» паведамляе, што прычынай смерці апазіцыянера нібыта стаў тромб, які адарваўся.
«16.02.2024 года ў папраўчай калёніі №3 асуджаны Навальны А.А. пасля прагулкі адчуў сябе дрэнна, практычна адразу страціўшы прытомнасць. Неадкладна прыбылі медыцынскія работнікі ўстановы, была выклікана брыгада хуткай медыцынскай дапамогі. Праведзены ўсе неабходныя рэанімацыйныя мерапрыемствы, якія станоўчых вынікаў не далі. Лекары хуткай медыцынскай дапамогі канстатавалі смерць асуджанага»,– гаворыцца ў паведамленні.
