Foto: PAP/Przemysław Piątkowski
На «Марш свабодных палякаў» выйшлі дзясяткі тысяч чалавек. Падставай для пратэстаў стала ўчарашняе затрыманне былых кіраўнікоў МУС Польшчы – Марыюша Каміньскага і Мацея Вонсіка. Прысутныя выступаюць таксама за вольнасць медый. Менавіта гэта было першай прычынай склікання масавай акцыі.
Мітынг быў заяўлены партыяй “Права і Справядлівасць”. Ён пачаўся а 16-й гадзіне перад Сэймам Рэспублікі Польшча. На акцыі выступіў старшыня ПіС Яраслаў Качыньскі, які крытыкаваў новую ўладу за беззаконне і назваў яе не польскай, а выразна нямецкай.
Гарадскія ўлады Варшавы ацэньваюць колькасць удзельнікаў маршу на 30 тысяч чалавек, арганізатары акцыі мяркуюць, што прыйшло і прыехала больш 200 ці нават 300 тысяч.
