Фота: Agencja Wyborcza.pl
На фоне палітычнага крызісу ў Польшчы, які паўстаў на фоне змены ўраду пасля парламенцкіх выбараў 15 кастрычніка, прайшла сустрэча прэзідэнта Анджэя Дуды і прэм’ер-міністра Дональда Туска.
Перад сустрэчай у прэзідэнцкім палацы ў Варшаве палітыкі паціснулі адзін аднаму руку і зрабілі супольны здымак для медыя. Пасля пачалася размова. Пасля сустрэчы прэзідэнт Анджэй Дуда выступіў з заявай. Ён адзначыў напружаную сітуацыю ў Генеральнай пракуратуры Польшчы, і заклікаў да таго, каб прытрымлівацца Канстытуцыі.
Таксама прэзідэнт заклікаў вызваліць з арышту двух палітыкаў ПіС Вонсіка і Камінскага, якія былі асуджаныя на два гады за перавышэнне службовых паўнамоцтваў. Прэзідэнт Дуда не падтрымаў змены ў дзяржаўных медыя, якія ўводзіць новы ўрад.
Сярод іншых тэм – тэмы бяспекі і міжнародныя пытанні, вайна ва Украіне.
