Спецыяльны пасланнік прэзідэнта ЗША Стыў Уіткоф распавёў аб гатоўнасці Кіева правесці прэзідэнцкія выбары ў інтэрв’ю амерыканскаму журналісту Такеру Карлсану, паведамляе bbc.com.
«Яны ўжо пагадзіліся на гэта. Ва Украіне будуць выбары», – падкрэсліў Уіткоф.
Чарговыя прэзідэнцкія выбары ва Украіне павінны былі адбыцца ў 2024 годзе, аднак законы краіны забараняюць праводзіць якія-небудзь галасаванні падчас дзеяння ваеннага становішча.
Галоўным пытаннем перамоваў, па заяве амерыканскага дыпламата, будзе статус захопленых Расеяй украінскіх тэрыторый, у тым ліку Крыма.
Уіткоф таксама падкрэсліў, што Украіна не будзе часткай НАТА.
