Украіна да лета атрымае яшчэ адну амерканскую зенітна-ракетную сістэму Patriot, якая зараз базуецца ў Ізраілі. Акрамя таго, абмяркоўваецца перадача Кіеву яшчэ адной такой сістэмы з Нямеччыны ці Грэцыі, піша The New York Times.
Ці было прынятае рашэнне аб пастаўцы пры адміністрацыі Дональда Трампа, не ўдакладняецца. Таксама, па дадзеных газеты, дзве з васьмі ўкраінскіх сістэм Patriot зараз знаходзяцца на рамонце.
Тым часам, Францыя плануе вырабіць і паставіць Украіне сёлета да 1200 авіябомбаў AASM Hammer, інфармуе Le Parisien. Гэтыя боепрыпасы актыўна пастаўляюцца Украіне і сталі ключавым элементам у арсенале ўкраінскіх узброеных сіл. Па дадзеных выдання, Францыя штомесяц перадае Украіне каля 50 такіх бомбаў, і хутчэй за ўсё, у далейшым, будзе перадаваць каля 100 і непасрэдна з завода, што паскорыць тэмпы паставак.
