У Кіеве завяршыўся чацвёрты беларуска-ўкраінскі Форум Астрожскіх, у цэнтры ўвагі якога была будучыня рэгіёну пасля вайны і роля Беларусі ў адбудове Украіны.
Аналітык Дзмітрый Літвін падвёў асноўныя тэзы экспертаў і адзначыў ключавыя высновы па тэме двухбаковых адносін і ўзаемадзеяння паміж краінамі:
– Разважалі пра тое, як маглі б беларусы ўдзельнічаць у адраджэнні Украіны пры найлепшым сцэнары, калі ўсё спынецца. Былі пытанні, што людзей ужо будзе мала, дэмаграфічны крызіс, многія з’ехалі, і 30% дакладна не вернуцца, паводле даследаванняў. Таму важна прыцягваць і беларусаў і стварыць адпаведныя юрыдычныя ўмовы, каб лягчэй маглі прыязджаць працаваць. Лагістыка блізкая, супрацоўніцтва ў абарончным сектары.
Па словах Літвіна, асноўныя высновы форуму сведчаць, што сумесная праца беларусаў і ўкраінцаў у гуманітарнай, культурнай і ваенна-палітычнай сферах цалкам мажліва і будзе вызначаць стабільнасць і бяспеку рэгіёну на пасляваенным этапе.
Беларускае Радыё Рацыя
