Украінскія вайскоўцы кантралююць 92 населеныя пункты ў Курскай вобласці РФ, заявіў 19 жніўня прэзідэнт Украіны Уладзімір Зяленскі.
“Украінскія вайскоўцы працягваюць ахоўную аперацыю ў пэўных раёнах Курскай вобласці РФ. На сённяшні дзень нашы сілы кантралююць больш за 1250 квадратных кіламетраў тэрыторыі ворага і 92 населеныя пункты. Ідзе ўмацаванне нашых пазіцый, стабілізацыя пэўных раёнаў і папаўненне абменнага фонду”, — сказаў Зяленскі на нарадзе кіраўнікоў замежных дыпламатычных устаноў Украіны.
Паводле яго, гэтая аперацыя стала “найбольшай інвестыцыяй у працэс вызвалення ўкраінцаў з расейскага палону”, што з’яўляецца адной з мэтаў Украіны.
Прэзідэнт Украіны мяркуе, што цяпер адбываецца надзвычай важная ідэалагічная змена, бо Курская аперацыя, на ягоную думку, паказала “наіўнасць і ілюзорнасць канцэпцыі так званых чырвоных ліній адносна Расеі, “якая панавала ў ацэнках вайны некаторымі партнёрамі”.
