10 снежня Украіна перадала Злучаным Штатам Амерыкі свой пакрокавы адказ на апошні праект мірнага плана Дональда Трампа. Пра гэта паведамляе Axios са спасылкай на ўкраінскіх і амерыканскіх чыноўнікаў.
Паводле выдання, кіраўнік Рады нацыянальнай бяспекі і абароны Украіны Рустэм Умераў накіраваў адказ на мірны план зяцю Трампа Джэрэду Кушнэру. Як расказала крыніца ў Кіеве, украінскі дакумент змяшчае заўвагі, удакладненні і прапановы, што павінны зрабіць увесь праект мірнага пагаднення магчымым да рэалізацыі. Падрабязнасці гэтых правак не прыводзяцца, але гаворыцца, што Украіна падала новыя ідэі, якія датычаць спрэчных пытанняў – статусу тэрыторый і сітуацыі вакол Запарожскай АЭС.
Перад гэтым Украіна некалькі дзён кансультаваўся з еўрапейскімі партнёрамі, перадусім з Францыяй, Германіяй і Вялікабрытаніяй. З гэтымі ж краінамі правёў размову і Трамп. Паводле яго, вайна ва Украіне абмяркоўвалася «досыць рэзкай мовай», ён чакае «адказаў, перш чым у нас будзе прагрэс». Трамп сказаў, што еўрапейскія лідары прапанавалі арганізаваць яго асабістую сустрэчу з Уладзімірам Зяленскім у найбліжэйшыя выходныя, але ён адзначыў, што не хоча «марнаваць час дарма».
Беларускае Радыё Рацыя
