Прэзідэнт Украіны Уладзімір Зяленскі паведаміў, што Украіна прапанавала Расеі правесці новую сустрэчу на роўні дэлегацый ужо на наступным тыдні. Пра гэта ён расказаў у сваім вячэрнім відэазвароце 19 ліпеня.
Паводле слоў Уладзіміра Зяленскага, цяпер працягваецца праца над чарговым абменам палоннымі. Зяленскі падкрэсліў, што «патрэбна павялічваць перамоўную дынаміку», і заклікаў Расею «перастаць хавацца ад рашэнняў» — спыніць забойствы, вярнуць дзяцей і працягваць працэс абмену палоннымі. Ён таксама заявіў, што патрэбная сустрэча на роўні кіраўнікоў дзяржаў, каб дамовіцца пра сапраўдны мір.
