Прэзідэнт Украіны Уладзімір Зяленскі заявіў аб далейшым прасоўванні ўкраінскага войска ў Курскай вобласці Расеі.
«Ёсць новае прасоўванне, ёсць новае папаўненне нашага абменнага фонду. Таксама генерал Сырскі далажыў пра завяршэнне вызвалення горада Суджа ад расейскіх вайскоўцаў. І там цяпер ствараецца ўкраінская вайсковая камендатура. Вызваленыя таксама і яшчэ некалькі населеных пунктаў. Усяго ўжо больш за 80», — заявіў Уладзімір Зяленскі.
У той жа час, паводле яго, расейскія войскі працягваюць штурмаваць пад Тарэцкам і Пакроўскім.
Расейскія СМІ пераконваюць, што ў Суджы працягваюцца баі, а ўкраінскія вайскоўцы кантралююць толькі частку гэтага горада.
