Прэзідэнт Украіны Уладзімір Зяленскі па рашэнні Рады нацыянальнай бяспекі ўвёў санкцыі супраць асобаў і кампаній, якія шкодзяць інтарэсам дзяржавы. Санкцыі ўведзеныя супраць 51 чалавека з грамадзянствам Расеі, Украіны, Латвіі, Кіпра і Вялікабрытаніі.
Таксама пад абмежаванні патрапілі 134 кампаніі. У асноўным яны расейскія, але ёсць у спісе і беларускае таварыства з абмежаванай адказнасцю «Маштабныя рашэнні». Супраць яе санкцыі ўвялі тэрмінам на 5 гадоў. Кампаніі заблакуюць актывы, цалкам спыняць правядзенне ёй гандлёвых аперацый на тэрыторыі Украіны, транзіт рэсурсаў, палётаў і перавозак праз тэрыторыю Украіны і г. д. Вядома, што кампанія «Маштабныя рашэнні» — рэзідэнт ПВТ, займаецца распрацоўкай сістэм электроннага дакументазвароту і электронных сховішчаў даных для розных сектараў эканомікі.
Беларускае Радыё Рацыя
