Камандуючы сіламі беспілотных сістэм УСУ Вадзім Сухарэўскі заявіў, што ва Украіны з’явілася ўласная лазерная зброя, перадае Украінская служба Радыё Свабоды. Да гэтага часу аб распрацоўцы нічога вядома не было, а перспектыўныя ўзоры баявых лазераў маюць толькі некалькі краін.
Сухарэўскі зрабіў гэтую заяву на канферэнцыі, прысвечанай перспектывам супрацоўніцтва еўрапейскай і ўкраінскай ваеннай прамысловасці. Па словах камандуючага сіламі беспілотных сістэм, украінская распрацоўка называецца «Трызуб». Зараз ідзе праца над яе маштабаваннем і ўзмацненнем.
З кароткай заявы Сухараўскага не зразумела, як выглядае гэтая зброя, якія яе характарыстыкі, і ці правяралі яе ў баявых умовах.
Разам з тым з паведамлення камандуючага сіламі беспілотных сістэм вядома, што «Трызуб» можа збіваць самалёты на адлегласці двух кіламетраў.
Беларускае Радыё Рацыя
