Прадстаўнікі Аб’яднанага Пераходнага Кабінета, якія складаюць значную частку беларускай дэмакратычнай апазіцыі, звярнуліся да ўкраінскага боку з ініцыятывай уключыць беларускіх палітвязняў у абменныя спісы.
Фота: @CabinetBelarus
Прадстаўніца па сацыяльнай палітыцы Аб’яднанага пераходнага кабінета Вольга Зазулінская і прадстаўнік па абароне і нацыянальнай бяспецы Кабінета Вадзім Кабанчук накіравалі лісты прэзідэнту Украіны Уладзіміру Зяленскаму, у Міністэрства замежных спраў Украіны і да Упаўнаважанага Вярхоўнай Рады Украіны па правах чалавека.
У сваіх зваротах яны адзначылі, што пасля пачатку расейскай агрэсіі супраць Украіны шмат грамадзян Беларусі выступілі з адкрытай падтрымкай украінскага боку. У выніку шмат беларусаў былі арыштаваныя і асуджаныя на працяглыя тэрміны па сфабрыкаваных абвінавачваннях.
У лістах гучыць заклік «выкарыстаць усе магчымыя механізмы для садзейнічання вызваленню беларускіх палітвязняў, якія падтрымліваюць Украіну». Таксама прыкладзены спісы беларускіх палітзняволеных, якія падтрымалі Украіну.
Паводле @CabinetBelarus
