2025 год у Беларусі адзначыўся не проста прававым дэфолтам, там пануе прававая беспакаранасць.
І ўсе цэнтры кіравання зводзяцца да аднаго цэнтру, – так сітуацыю ўнутры краіны апісвае былы палітвязень, філосаф Уладзімір Мацкевіч, які быў прымусова дэпартаваны ў Літву:
-Сёння ніякія законы ў Беларусі не дзейнічаюць. Хоць там няма афіцыйнага ваеннага становішча і так далей, але гэта кіраванне з аднаго цэнтру і фактычна ручное кіраванне краінай. Не па законе, не па нейкіх прынцыпах, толькі ручное кіраваннне. І адказы на ўсе выклікі – яны цалкам сыходзяцца ў адным месцы і нават у адной галаве.
У 2025 годзе палітычны рэжым у Беларусі канчаткова зафіксаваў адсутнасць дэмакратычных інстытутаў, не спыняліся рэпрэсіі супраць іншадумства. На фоне міжнароднай ізаляцыі Менск фактычна страціў рэшткі знешнепалітычнай суб’ектнасці, стаўшы крытычна залежным ад Масквы ў вайсковай, эканамічнай і энергетычнай сферах.
Цалкам гутарка:
Беларускае Радыё Рацыя.
