Ультраправыя перамаглі на выбарах у Аўстрыі. Але могуць застацца па-за ўладай.
На парламенцкіх выбарах у Аўстрыі найбольш галасоў набрала ўльтраправая Партыя свабоды. Яе падтрымалі 29% выбаршчыкаў. За кансерватыўную Народную партыю дзейнага канцлера Карла Нехамера прагаласавалі 26,5% выбаршчыкаў. На трэцім месцы — Сацыял-дэмакратычная партыя Аўстрыі (21%). Прадстаўнікі ўсіх іншых партый ужо заявілі, што не будуць уступаць у кааліцыю з “Партыяй свабоды”. Таму верагодна, што ва ўрад яна і не трапіць.
Цяпер пачнуцца перамовы паміж партыямі. Прэзідэнт Аўстрыі Аляксандр Ван дэр Беллен выказаў меркаванне, што працэс можа заняць шмат часу.
Еўрарадыё
Фота: Christian Bruna / Getty Images News via Getty Images
