Праўдзівасць, барацьба з прапагандай і польскай soft power на ўсходзе – так можна рэзюмаваць дзейнасць тэлеканала «Белсат». Цяпер ён падлягае ліквідацыі. Пра справу “Белсата” ў Сейме распавяла былая дырэктарка канала Агнешка Рамашэўская.
Тэлеканал «Белсат» быў створаны ў 2006 годзе і пачаў вяшчанне праз год. Інфармацыя для беларусаў і народаў былога СССР размешчана на беларускай, расейскай, украінскай і англійскай мовах. «Белсат» даў сваім гледачам доступ да незалежнай інфармацыі пра сітуацыю ў іх краіне. Ён таксама быў супрацьвагай расейскай прапагандзе. Зараз канал плануюць закрыць.
Інструмент польскай усходняй палітыкі
-Усіх, хто ствараў «Белсат», ужо выкінулі з кампаніі, – расказала падчас канферэнцыі заснавальніца і былая дырэктарка тэлеканала Агнешка Рамашэўская. Яна прызналася, што гэта людзі, якія працавалі яшчэ каля дзесяці гадоў таму. Яна нагадала, што за працу на «Белсаце» заплацілі турэмным зняволеннем 15 чалавек — журналісты і аператары.
Марцін Пшыдач падкрэсліў, што Польшча вядзе актыўную ўсходнюю палітыку, не толькі зважаючы на свае інтарэсы ў плане бяспекі, але і зважаючы на несправядлівасць у Беларусі і Расеі.
-Польшча, як дэмакратычная краіна, мела амбіцыі ўплываць на ўсходнія тэрыторыі, распаўсюджваючы надзейную інфармацыю і праўду, даючы многім грамадзянам гэтых краін іншы погляд, такім чынам змагаючыся з прапагандай Аляксандра Лукашэнкі і Уладзіміра Пуціна, – падкрэсліў Пшыдач.
Дэпутат ПіС і былы намеснік кіраўніка МЗС падкрэсліў, што «Белсат» перажыў чарговыя змены ўлады.
Крыніца: niezalezna.pl/
