Старшыня Еўракамісіі Урсула фон дэр Ляйен наведае сем краін, якія па зямлі ці па моры мяжуюць з Расеяй і Беларуссю, паведаміла сёння Еўракамісія.
Візіт на усходнюю мяжу Еўразвяза пачнецца з пятніцы. Фон дэр Ляйен наведае Эстонію, Літву, Фінляндыю, Латвію, Польшчу, Балгарыю і Румынію.
У нядзелю яна адправіцца на польска-беларускую мяжу разам з прэм’ер-міністрам Дональдам Тускам. У той жа дзень фон дэр Лейен адправіцца ў Балгарыю.
“Яе візіт падкрэсліць падтрымку ЕЗ дзяржаў-сябраў, якія сутыкаюцца з праблемамі, звязанымі з мяжой з Расеяй ці Беларуссю. Яна таксама будзе гаварыць з урадавымі і ваеннымі лідэрамі аб бяспецы і абароне Еўропы», – абвясціла прэс-сакратар Еўракамісіі Арыяна Падэста.
