Усё яшчэ шмат людзей верыць прапагандзе Лукашэнкі і Пуціна, па гэтай прычыне працягваецца вайна ва Украіне і так званая ваенная аперацыя. Таму вельмі складана ім адкрыць вочы. Трэба адчуць ваенны стан на сабе, самаму пабачыць, што дзеецца ва ўкраінскай дзяржаве і больш шырока распавядаць пра гэта.
У гэтым перакананы былы расейскі палітвязень, сузаснавальнік прафсаюза “Салідарнасць”, сябра палітрады асамблеі народаў Каўказа Міхаіл Савосцін, які зараз жыве ў ЗША:
– На жаль, большасць людзей вераць прапагандзе, пуцінскай прапагандзе, прапагандзе Лукашэнкі. І таму вельмі складана людзям адкрыць вочы. Я б, канешне, хацеў бы паспрабаваць з дапамогай вашай інфармацыйнай крыніцы данесці да людзей важныя думкі пра тое, што ў першую чаргу людзі павінны берагчы сваё жыццё і абараняць правы як свае, так і сваіх блізкіх.
Міхаіл Савосцін перакананы, што адзін з метадаў пашырэння антываенных настрояў – гэта распаўсюд праўдзівай інфармацыі пра вайну ва Украіне.
Цалкам гутарку слухайце ў далучаным файле:
Беларускае Радыё Рацыя
