Ва Украіне апублікавалі пералік фізічных асобаў, датычных да арганізацыі і перамяшчэння ўкраінскіх дзяцей з часова акупаваных тэрыторый у Расею і Беларусь.
У прыватнасці, у пералік уключылі дзяржаўнага сакратара так званай «саюзнай дзяржавы» Беларусі і Расеі Дзмітрыя Мезенцава як арганізатара прымусовага перамяшчэння ўкраінскіх дзяцей пад выглядам «аздараўлення і адпачынку ў Беларусі».
Сярод пералічаных арганізатараў і выканаўцаў незаконнага перамяшчэння дзяцей няма Аляксандра Лукашэнкі і кіраўніка Беларускага Чырвонага Крыжа Дзмітрыя Шаўцова, якія фігуравалі ў адпаведных журналісцкіх расследаваннях. Сёлета ў лютым Дзмітры Шаўцоў разам з Аляксеем Талаем трапілі ў 13-ы пакет санкцый Еўразвязу за свой удзел у незаконнай дэпартацыі ўкраінскіх дзяцей.
Беларускае Радыё Рацыя
