У Цэнтры нацыянальнага супраціву, які звязваюць з вайсковай выведкай і Сіламі спецыяльных аперацый Украіны, заявілі, што Камітэт дзяржаўнай бяспекі Беларусі праводзіць «фільтрацыйныя дзеянні» датычна ўкраінцаў.
«У прыватнасці, за мінулы месяц павялічылася колькасць выпадкаў выкліку ўкраінцаў на допыт, а таксама вобшукі ў нашых суграмадзян. Беларускія спецслужбы шукаюць сярод украінцаў інфарматараў і плануюць прымусіць іх да супрацоўніцтва», – адзначаецца ў паведамленні цэнтру.
