У Мюнхене завяршаецца 61-я канферэнцыя па бяспецы, прысвечаная сусветным выклікам. Галоўнымі тэмамі сталі магчымыя мірныя перамовы па расейска-ўкраінскай вайне і крытыка ЗША на адрас еўрапейскіх саюзнікаў. Беларуская дэлегацыя змагла прадставіць нацыянальныя інтарэсы.
Кажа прадстаўнік па абароне і нацыянальнай бяспецы АПК Вадзім Кабанчук:
-Асноўныя вынікі – беларуская павестка ўзнятая нашай дэлегацыяй, яна актуальная. Мы разлічваем на падтрымку нашых краін-суседзяў, у тым ліку Украіны, падвышэнне суб’ектнасці АПК і іншых інстытуцый беларускіх дэмсіл.
Адпаведна Кабанчук пацвердзіў дамоўленасць Святланы Ціханоўскай пра правядзенне слуханняў па Беларусі ў Кангрэсе ЗША, якая была дасягнута падчас працы канферэнцыі:
-АПК, як адзін з асноўных інстытуцый беларускіх дэмакратыных сіл, я думаю, будзе прымаць удзел у такіх слуханнях, калі яны адбудуцца. Так як, я нагадаю, што ў стратэгічным дыялозе паміж ЗША, Еўразвязам, Канадай Аб’яднаны Пераходны Кабінет удзельнічае.
Вядома, што падчас Мюнхенскай канферэнцыі Святлана Ціханоўская сустрэлася з Вярхоўным камісарам ААН па правах чалавека Фолькерам Цюркам, дзе і прапанавала Вярхоўнаму камісару далучыцца да справы вызвалення палітвязняў у Беларусі.
Цалкам гутарка:
Беларускае Радыё Рацыя
