1192-і дзень вайны. Пасля начной атакі расейцаў па Запарожжы пачаўся пажар на адным з аб’ектаў інфраструктуры. Кіраўнік АВА Іван Фёдараў паведаміў, што папярэдне абышлося без пацярпелых.
Між тым дзяржаўны сакратар Рады Бяспекі Беларусі Аляксандр Вольфавіч заявіў аб наяўнасці ў Беларусі ядзернай зброі і абверг заявы ўкраінскай разведкі. Заява прагучэла ў Маскве падчас Міжнароднай сустрэчы высокіх прадстаўнікоў, якія курыруюць пытанні бяспекі.
Масква і Менск прынялі рашэнне аб размяшчэнні ў Беларусі комплексу “Орешник“, нагадаў ён: “Да канца года, тое рашэнне, якое прынялі кіраўнікі нашых дзяржаў, будзе ў практычнай плоскасці“.
Беларускае Радыё Рацыя
