1039-ы дзень вайны. Украіна і Расея сёння, 28 снежня, абмяняліся абвінавачваннямі ў атаках беспілотнікаў на свае тэрыторыі. У Расеі кажуць пра атакі дронаў на некалькі прымежных рэгіёнаў, ва Украіне — пра атаку на Мікалаеўскую вобласць.
Расейская СПА знішчыла 56 беспілотнікаў за ноч, заявіла Міністэрства абароны РФ. Пра значныя разбурэнні ў выніку атак не паведамляецца. Ёсць параненыя.
Украінскія Вайскова-паветраныя сілы заявілі, што за ноч збілі 15 расейскіх беспілотнікаў, усе — у Мікалаеўскай вобласці.
Вядома, што ў выніку падзення дрона пашкоджаная маёмасць прамысловага прадпрыемства і пяціпавярховы жылы дом у Мікалаеве, пацярпелых няма.
Таксама Узброеныя сілы Украіны нанеслі ўдар па абаронным аб’екце ў Арлоўскай вобласці Расеі. У выніку ўдару знішчаны склад захоўвання, абслугоўвання і рамонту дронаў-камікадзэ Shahed. Расейскія ўлады гэта паведамленне не каментавалі.
Беларускае Радыё Рацыя
Фота ілюстрацыйнае
