Ваеннаслужачыя Ваенна-паветраных сіл і войскаў супрацьпаветранай абароны Беларусі прыбылі ў Расею для ўдзелу ў сумесных вучэннях, паведамілі ў прэс-службе Міністэрства абароны рэспублікі.
Раней частка падраздзяленняў туды ўжо адправілася чыгуначнымі воінскімі эшалонамі.
У ходзе вучэння, якое пройдзе на “Ашулуку”, ваенныя будуць падвышаць ровень узаемадзеяння паміж падраздзяленнямі і адпрацоўваць новыя тактычныя прыёмы, а таксама метады вядзення паветраных і супрацьпаветраных баёў.
Раней Мінабароны інфармавала, што манеўры на расейскай тэрыторыі пройдуць з удзелам зенітчыкаў, ракетных і радыётэхнічных войскаў, а таксама знішчальнай авіяцыі.
У вучэннях удзельнічаюць каля чатырох тысяч вайскоўцаў і 150 адзінак тэхнікі.
