Прадстаўнік Аб’яднанага Пераходнага Кабінета Беларусі па абароне і нацыянальнай бяспецы Валерый Сахашчык даў свой прагноз адносна вайны ва Украіне.
«Сёлета цуда не адбудзецца», – сказаў палітык. Ён дадаў, што 2023-і быў няпростым.
Валерый Сахашчык: Год быў цяжкі, але шмат чаго ўдалося асэнсаваць. Нават тое, што добра разумеем, куды і як ісці, гэта ўжо для мяне дае нейкую цвёрдую глебу пад нагамі, і ўжо лягчэй. Думаю, што цуда не будзе, у 2024 будзе яшчэ ўсё цяжка, але наступны год будзе годам перамогі.
РР: То бок 2025 год? Чаму?
Валерый Сахашчык: Так. Я пралічваю ход гісторыі.
Пры гэтым Валерый Сахашчык заклікаў не заставацца ў баку, а рабіць усё дзеля набліжэння перамогі.
Марына Савіцкая, Беларускае Радыё Рацыя
