Акцыя «Шлях да волі праз кайданы», прымеркаваная да Дня салідарнасці з палітвязнямі, адбылася ў Варшаве. Да падзеі далучыліся не толькі былыя вязні, але і палітычныя і грамадскія дзеячы, сярод іх – Зянон Пазняк, Вячаслаў Сіўчык, Алег Кулеша ды іншыя. Выступіў на падзеі і намеснік кіраўніцы Аб’яднанага Пераходнага Кабінету, кіраўнік Народнага Антыкрызіснага ўпраўлення Павел Латушка:
– Гэта асабістая і агульная боль, таму што гэта звязана і з маім стрыечным братам, які з’яўляецца палітзняволеным, – Анатолем Латушка. Гэта людзі, якіх я ведаў, ведаю, і якіх можа і не ведаю, але гэта героі Беларусі. Гэта людзі, якія проста за тое, што хочуць жыць у вольнай краіне, сёння сядзяць за кратамі. Гэта значыць, наша агульная боль. Шкада, што сёння мала беларусаў прыйшло. Але важна, каб мы не толькі з нагоды акцыі салідарнасці з беларускімі палітзняволенымі ўзгадвалі, але і кожнага дня.
Музычна падзею падтрымаў Сяргей Kosmas, вядомы сумесным з актывістам-палітвязнем Сяргем Ціханоўскім выкананнем кампазіцыі «Разбуры турмы муры».
Цалкам матэрыял:
Беларускае Радыё Рацыя
Беларускае Радыё Рацыя
