Выданне Air Live паказала імаверны маршрут Пуціна ў Будапешт, дзе ў найбліжэйшыя тыдні павінен адбыцца новы саміт з Трампам. Самалёт Пуціна ў Будапешт будзе суправаджаць турэцкая авіяцыя.
Як паведамляе выданне Air Live, самалёт прэзідэнта Расеі Уладзіміра Пуціна, верагодна, паляціць у венгерскую сталіцу праз Каспій, Іран, Турцыю, Міжземнае мора, Чарнагорыю і Сербію. Па гэтым маршруце яго будуць суправаджаць як расейскія, так і турэцкія баявыя самалёты, каб выключыць пагрозу з боку дронаў або ракет. Паўночны маршрут праз Польшчу і Славакію лічыцца малаверагодным з-за небяспекі і «палітычных складанасцяў». У выніку самалёту Пуціна авядзецца зрабіць абыход амаль на 5 тысяч кіламетраў, што падоўжыць палёт прыкладна на 3 гадзіны.
Нагадаем, што Дональд Трамп пацвердзіў намер правесці саміт у Будапешце, падкрэсліўшы, што асноўная мэта — завяршэнне вайны ва Украіне. Ён таксама адзначыў, што Уладзімір Зеленскі можа быць запрошаны да ўдзелу, але асобна ад перамоў з Пуціным, каб пазбегнуць прамых кантактаў паміж імі.
Трэба адзначыць, што Венгрыя, як падпісант Рымаўскага статута, абавязана арыштаваць Пуціна па ордару Міжнароднага крымінальнага суда. Аднак Орбан заявіў аб намерах выйсці з гэтага пагаднення, увб не арыштоўваць Пуціна. Саміт Трампа і Пуціна ў Будапешце застаецца на стадыі падрыхтоўкі і залежыць ад паспяховай арганізацыі і вырашэння юрыдычных пытанняў.
Беларускае Радыё Рацыя
