«Вялікая сямёрка» змякчыла першапачатковы варыянт заявы, прысвечаны трэцяй гадавіне поўнамаштабнага ўварвання Расеі ва Украіну, паведамляе Bloomberg.
Складанасці з узгадненнем дакументу ўзніклі на фоне перамоваў прэзідэнта ЗША Дональда Трампа з Расеяй аб спыненьні вайны — без Украіны і Еўропы. Сярод іншага, з праекту заявы ўжо выдалілі спасылкі на атлантычную інтэграцыю Украіны, на «незаконнасць» расейскага ўварвання і згадванні мяжы максімальных цэн на расейскую нафту.
Пачатковая версія заклікала да міру праз «моцныя гарантыі бяспекі для Украіны, з войскамі і рэсурсамі на месцах, у спалучэнні з надзейным міжнародным наглядам для кантролю за ўзгодненымі лініямі». Гэтую фармулёўку істотна змякчылі, пакінуўшы толькі «моцныя гарантыі бяспекі і інтэграцыю Украіны ў ЕЗ».
24 лютага 2025 году спаўняецца трэцяя гадавіна поўнамаштабнага ўварвання Расеі ва Украіну.
