На юрыдычным факультэце Універсітэта ў Белостоку завяршыў працу Нацыянальны кангрэс дэпартаментаў і выкладчыкаў рэлігійнага права.
Прафесар Варшаўскага ўніверсітэта Войцех Бжазоўскі закрануў праблемы дзейнасці Праваслаўнай Царквы ў Польшчы з пункту гледжання практыкі Еўрапейскага Суда па правах чалавека:
– Важным зʼяўляецца стаўленне трыбунала да захавання пазіцый царквы ў дамінуючых краінах Еўропы. Калі казаць пра пазіцыю праваслаўнай царквы, то тут шмат праблемаў, можна сказаць, што яны прыходзяць у Страсбургскі трыбунал з крыху іншымі праблемамі, чым іншыя краіны. Перш за ўсё, на фоне захавання традыцыйнай ролі праваслаўнай царквы ва ўзаемаадносінах дзяржава-царква.
Цягам двух дзён удзельнікі беластоцкай сустрэчы тэарэтыкаў рэлігійнага права з усёй Польшчы абмяркоўвалі прававую сітуацыю рэлігійных абʼяднанняў у еўрапейскіх краінах. У праграму Кангрэса ўвайшлі 44 даклады, у тым ліку па альтэрнатыўнай мадэлі навучання рэлігіі ў школе і нават па прававым стане неапаганскіх культур у Польшчы.
Беларускае Радыё Рацыя
