Амбасадары краін ЕЗ на сустрэчы 14 лютага не змаглі ўзгадніць новы, 13-ы пакет санкцый супраць Расеі, які плануецца аб’явіць да другой гадавіны расейскага ваеннага ўварвання ва Украіну, паведаміла ў чацвер, 15 лютага, газета Financial Times (FT) са спасылкай на крыніцы.
Па словах суразмоўцаў выдання, новыя штрафныя меры не ўдалося ўзгадніць з прычыны пазіцыі Вугоршчыны, якая выступіла супраць абмежаванняў для кампаній з Кітая і Індыі.
ЕЗ плануе ўвесці санкцыі супраць амаль 200 фізічных і юрыдычных асоб з Расеі, а таксама супраць трох кампаній з КНР і адной з Індыі.
У чарнавы варыянт 13-га санкцыйнага спісу супраць Расеі трапіла некалькі беларускіх прадпрыемстваў і іхных кіраўнікоў, а таксама грамадскіх арганізацый, якія ўдзельнічалі ў незаконным вывазе ўкраінскіх дзяцей.
Беларускае Радыё Рацыя
