У Польшчы прайшоў першы тур прэзідэнцкіх выбараў. Паводле дадзеных экзітполаў, па краіне лідзіруе Рафал Тшаскоўскі — 30,8%, у Караля Наўроцкага — 29,1%. Гэта азначае, што менавіта яны сустрэнуцца ў другім туры, які адбудзецца 1 чэрвеня.
Кажа кіраўнік штаба Тшаскоўскага на Падляшшы, Прэзідэнт Беластока Тадэвуш Трускаляскі:
– Першы тур – гэта насмарэч апытанне. Трэба змабілізаваць людзей для другога тура. Таму ўсё пачынаем ад пачатку. Стартуем. Два тыдні працы.
Па Падляшшы вынікі выглядаюць інакш. Паводле дадзеных экзітполаў, у Падляшскім ваяводстве перамогу атрымаў Караль Наўроцкі. За яго прагаласавала 37,2% выбарцаў. На другім месцы — Рафал Тшаскоўскі з 26,5% галасоў.
Кандыдат у Прэзідэнты Шымон Галаўня, родам з Беластока, атрымаў 4,6% галасоў на Падляшшы. Падчас перадвыбарчай кампаніі ён падкрэсліваў важнасць рэгіёна і выказваў занепакоенасць яго вобразам у медыя. Афіцыйныя вынікі першага тура выбараў чакаюцца ў аўторак, 20 траўня.
Цалкам матэрыял:
Беларускае Радыё Рацыя
