Сёлета за выбарамі ў новы склад Каардынацыйнай рады назірала незалежная міжнародная камісія. Узначаліў назіральнікаў кіраўнік парламенцкай групы па сітуацыі ў Беларусі ў Парламенце Францыі Фрэдэрык Пэці. Агульная выснова камісіі – «выбары адбыліся і ёсць дэмакратычным подзвігам беларускай дыяспары». Высновы дакумента агучвае экс-старшыня выбарчай камісіі КР Алена Прыходзька:
— Выбары гэтыя адбыліся. Сапраўдна. З вытрымкай усіх дэмакратычных галоўных стандартаў, наколькі гэта было мажліва ў нашых умовах. І міжнародныя назіральнікі гэта прызналі і адзначылі. Хібы асноўныя: калі ішло падрыхтаванне да выбараў, доўга не было згоды між Офісам Святланы Ціханоўскай і Аб’яднаным пераходным кабінетам — гэта паўплывала на тое, што гэтыя выбары адбыліся не так добра і якасна падрыхтаванымі, як яны маглі быць падрыхтаваныя, калі б усё ішло адпаведным чынам і па нармальных тэрмінах.
Адпаведна міжнародная камісія наўзіральнікаў рэкамендуе удакладніць і фармалізаваць узаемаадносіны паміж КР і Офісам Ціханоўскай. Адпаведна вынікі камісіі будуць накіраваны для будучага Нацыянальнага Сходу Французскай Рэспублікі, каб стварыць даследчую групу па незалежнай Беларусі і арганізаваць дэбаты вакол справаздачы.
Азнаёміцца з рэкамендацыямі, высновамі і складам міжнароднай камісіі па назіранні на беларускай мове (неафіцыйны пераклад) можна па спасылцы.
Беларускае Радыё Рацыя
