Застаецца 4 дні да пачатку выбараў у Каардынацыйную раду Беларусі 3 склікання. У апошнія дні, беларусам трэба падумаць і вызначыцца, каго мы хочам бачыць у гэтым органе, які павінен будзе працаваць шчыра і з рэальнымі вынікамі.
Апытанне сярод беларусаў Варшавы паказала, што далёка не ўсе прымуць удзел у галасаванні:
– Калі разбяруся, як працуе гэтая платформа, тады буду думаць, як мне прагаласаваць.
– Пакуль я не бачу тых кандыдатаў, за якіх можна галасаваць. І насамрэч не бачыла такой абвесткі, дзе было б сказана, як галасаваць, за каго галасаваць, па якім прынцыпе.
– Я ў выбарах не прымаю ўдзелу, бо я ў гэта не веру.
– Напэўна не, не лічу, што ёсць каму давяраць у дадзеных рэаліях.
– Буду, бо гэта вырашае наш лёс.
– Канешне буду ўдзельнічаць і заклікаць усіх удзельнічаць.
Поўны матэрыял слухайце ў далучаным гукавым файле:
У Каардынацыйную раду балатуецца 257 кандыдатаў з 12 спісаў. З гэтага ліку ў раду пройдуць 80 чалавек. Тэрмін іх паўнамоцтваў два гады.
Беларускае Радыё Рацыя
