Украіну не запрасілі ўдзельнічаць у запланаваных на 18 лютага ў сталіцы Саудаўскай Аравіі Эр-Рыядзе перамовах паміж ЗША і Расеяй аб спыненні расейска-ўкраінскай вайны. Пра гэта прэзідэнт Украіны Уладзімір Зяленскі заявіў журналістам 17 лютага падчас візыту ў Аб’яднаныя Арабскія Эміраты (ААЭ).
«Украіна не будзе ўдзельнічаць. Украіна пра гэта нічога не ведала. Украіна расцэньвае любыя перамовы аб Украіне без Украіны як беспаспяховыя, і мы ня можам прызнаць ніякіх дамоўленасьцяў пра нас бяз нас», — заявіў Зяленскі.
Візіт Зяленскага ў Эміраты праходзіць на фоне пачатку кансультацыяў у Саудаўскай Аравіі паміж прадстаўнікамі ЗША і Расеі ў пытанні мірнага ўрэгулявання расейска-ўкраінскай вайны. Але як адзначыў Зяленскі, – ягоны візіт «не мае ніякай сувязі з тым, што адбываецца ў Саудаўскай Аравіі на роўні прадстаўнікоў ЗША і Расеі».
