Прэзідэнт Украіны Уладзімір Зяленскі правёў тэлефонную размову з Дональдам Трампам. Як паведамілі ў прэс-службе Зяленскага, ён асабіста павіншаваў Трампа з перамогай на прэзідэнцкіх выбарах у ЗША.
«Правеў выдатную тэлефонную размову з прэзідэнтам Трампам і павіншаваў яго з гістарычнай і пераканаўчай перамогай – гэты вынік стаў магчымы, дзякуючы яго ўражлівай выбарчай кампаніі. Падзякаваў яго сям’і і камандзе за іх выдатную працу. Дамовіліся падтрымліваць цесны дыялог і развіваць нашае супрацоўніцтва. Моцнае і непахіснае лідэрства ЗША з’яўляецца жыццёва важным для планеты і для справядлівага свету», — напісаў Зяленскі ў сацыяльных сетках пасля размовы.
Падчас перадвыбарнай кампаніі Трамп абяцаў устанавіць мір ва Украіне літаральна на працягу сутак. Пры гэтым ніякай канкрэтыкі аб сваіх планах ён не паведамляў. Каментатары разышліся ў здагадках аб тым, як ён можа гэта зрабіць. Апаненты Трампа акцэнтавалі ўвагу на асцярогах спынення ім падтрымкі Кіева, што вымусіць Зяленскага пайсці на перамовы з Пуціным.
Беларускае Радыё Рацыя
