10-га студзеня ў Вільню прыляцеў прэзідэнт Украіны Уладзімір Зяленскі. Яго візіт раней не анансаваўся.
Зяленскі заявіў, што хоча абмеркаваць з кіраўніцтвам Літвы сітуацыю з бяспекай, інтэграцыю ў Еўразвяз і NATO, а таксама далейшую еўрапейскую падтрымку Украіны. Ён плануе наведаць таксама Латвію і Эстонію.
“Эстонія, Латвія і Літва — нашы надзейныя сябры і прынцыповыя партнёры. Сёння я прыбыў у Вільню, а пазней адпраўлюся ў Талін і Рыгу”, — перадае DELFI словы ўкраінскага прэзідэнта. Зяленскі заявіў, што перш за ўсё хоча выказаць падзяку “за бескампрамісную падтрымку Украіны з 2014 года, а асабліва цяпер, падчас поўнамаштабнай расейскай агрэсіі”.
