Увага ўсяго цывілізаванага свету прыкавана зараз да намаганняў Амерыкі спыніць забойства людзей падчас расейска-ўкраінскай вайны.
Паводле лідара «Вольнай Беларусі» Зянона Пазьняка, які зараз жыве ў Амерыцы, амерыканцы не разумеюць Расею, якая ніколі не шкадавала сваіх людзей і не хоча спыняць вайны, – гаворыць Зянон Пазьняк:
– Пуцін не пагаджаецца, бо ён хоча заняць усю Украіну і знішчыць украінскую нацыю. Я вельмі высокай думкі пра амерыканскую палітыку, бо я магу параўнаць Еўропу і Амерыку. Тут сур’ёзная палітыка. Але яны таксама, як заходнія людзі, не могуць зразумець Расею. Яны не могуць зразумець гэтую краіну, якая на ўзроўні мангольскай арды – такія паняцці, ментальнасць.
Паводле Зянона Пазьняка, Расея недагавораздольная, ніколі не будзе дэмакратычнай краінай, гэта агрэсіўная краіна, якая жыве толькі вайной. Без вайны яна распадзецца.
Цалкам матэрыял:
Беларускае Радыё Рацыя
