фота Daniel Dmitriew / ForumAgencja FORUM
І кіроўная кааліцыя, і ПіС хочуць зрабіць больш жорсткімі ўмовы атрымання польскага грамадзянства. Партыя Яраслава Качыньскага прапануе, каб не тры, а 10 гадоў бесперапыннага пражывання іншаземца ў Польшчы давалі яму права на польскае грамадзянства.
Як нагадвае „Rzeczpospolita”, Польшча мае адны з самых ліберальных правілаў адносна атрымання грамадзянства.
«Замежніку дастаткова пражыць у Польшчы тры гады, каб мець магчымасць паспяхова падаць дакументы на польскі пашпарт. У адказ на рост іміграцыі, асабліва ўкраінскай, PiS хоча браць прыклад з іншых еўрапейскіх краін і падвышаць патрабаванні да замежнікаў», — чытаем на старонцы выдання.
Як іншаземцу атрымаць польскае грамадзянства?
Польскае грамадзянства можна атрымаць двума спосабамі. Першы — гэта прызнанне польскім грамадзянінам — яго дае ваявода.
Другі спосаб – гэта наданне грамадзянства Прэзідэнтам Рэспублікі Польшча, якое нічым не абмежавана. Такім чынам грамадзянства можа атрымаць замежнік, які ўвогуле не жыве ў Польшчы.
Як стала вядома «Rz», Міністэрства ўнутраных спраў і адміністрацыі плануе працаваць над новымі ўмовамі атрымання польскага грамадзянства. Да іх далучацца пасля прэзідэнцкіх выбараў.
— Мы хочам пракансультавацца з імі ў новага прэзідэнта, прэрагатывай якога з’яўляецца прадастаўленне грамадзянства, — тлумачыць “Rz” праф. Мацей Душчык, намеснік міністра ўнутраных спраў.
Змены ў грамадзянстве. Праект у Сейме
У сераду Сейм мае прагаласаваць за ўрадавы законапраект аб рэпатрыяцыі, які таксама ўключае змены датычна грамадзянства. Як пісала “Rz”, праект накіраваны на барацьбу са злоўжываннямі, але таксама павялічвае бюджэт на прывоз сем’яў рэпатрыянтаў у Польшчу. Ён уводзіць новыя, больш высокія зборы за прыняцце заявы аб прызнанні і наданні грамадзянства: 1669 злотых.
Цяпер падача заявы аб атрыманні прэзідэнтам грамадзянства бясплатная, — падкрэслівае намеснік міністра Душчык. Таксама вырасце плата за пацвярджэнне грамадзянства з 58 да 277 злотых.
Урад хоча рэфармаваць правілы грамадзянства і прадставіць іх восенню 2025 года. – Мы ведаем, што Польшча стала іміграцыйнай краінай, і новы закон будзе гэта ўлічваць – дадае намеснік міністра Душчык.
Беларускае Радыё Рацыя
