фота Х/Andrii Sybiha
З панядзелка, 12 траўня, павінна пачацца поўнае і безумоўнае спыненне агню мінімум на 30 дзён, заявіў прэзідэнт Украіны Уладзімір Зяленскі па выніках прайшоўшай у Кіеве сустрэчы так званай Кааліцыі ахвотных. Для ўдзелу ў ёй 10 траўня ва ўкраінскую сталіцу прыбылі зусім нядаўна абраны канцлер Германіі Фрыдрых Мерц, прэзідэнт Францыі Эмануэль Макрон, брытанскі прэм’ер Кір Стармэр і кіраўнік ураду Польшчы Дональд Туск.
Пасля саміту ў такім складзе прэзідэнт Украіны Уладзімір Зяленскі і еўрапейскія лідары правялі тэлефонную размову з прэзідэнтам ЗША Дональдам Трампам, які падтрымаў агульнае патрабаванне да Масквы.
“Украіна і ўсе саюзнікі гатовыя да поўнага і безумоўнага спынення агню на сушы, у паветры і на моры як мінімум на 30 дзён, пачынаючы з панядзелка”, – заявіў галава МЗС Украіны Андрэй Сыбіга.
Макрон папярэдзіў, што новы пакет санкцый ужо падрыхтаваны ў разе таго, калі Расея не пагадзіцца на спыненне агню.
Прэс-сакратар Крамля Дзмітрый Пяскоў заявіў, што Расея адразу не гатовая адрэагаваць на заклік з Кіева. Але ноччу выступіў Пуцін.
Беларускае Радыё Рацыя паводле Бі-Бі-Сі
