Прэзідэнт ЗША Дональд Трамп прыняў рашэнне працягнуць яшчэ на год нацыянальны рэжым надзвычайнай сітуацыі ў дачыненні да Беларусі. Пра гэта паведамляецца ў дакуменце, апублікаваным у Федэральным рэестры ЗША. Новы тэрмін пачынаецца з 16 чэрвеня.
У паведамленні адзначаецца, што дзеянні ўладаў Беларусі і асобных чыноўнікаў, а таксама шматгадовыя парушэнні правоў чалавека і іншыя недэмакратычныя практыкі працягваюць уяўляць сур’ёзную пагрозу для нацыянальнай бяспекі і знешняй палітыкі Злучаных Штатаў.
Гэты рэжым у дачыненні да Беларусі быў уведзены яшчэ ў 2006 годзе прэзідэнтам Джорджам Бушам-малодшым пасля арышту і зняволення апазіцыйнага кандыдата ў прэзідэнты Аляксандра Казуліна. З таго часу кожны год ён падаўжаецца.
